अभिभावक ज्यूहरुमा अनुरोध

 आदरणीय अभिभावक ज्यू

नमस्कार ।

अहिले कोभिड १९ को प्रकोपका कारण विद्यालयहरु सहजरुपमा खुलेर विद्यार्थीहरुको भौतिक उपस्थितिमा पढनपाठन कार्य सञ्चालन गर्न नसकिएको यथार्थ यहाँ सामु छ । कोभिड १९ महामारीको दोस्रो लहर केहि मथ्थर भएको अनुभूति गर्न नपाउँदै पुनः तेस्रो लहरको सम्भाव्यताको चेतावनी स्वास्थ्य विज्ञहरुबाट  हुन थालेको छ । 

जोखिम कायम नै भएर नै होला अझ पनि जिल्ला प्रशाशन कार्यालयले निषेधाज्ञा कायम नै राखेको छ । कति समय सम्म यो अवस्था लम्बिने हो यसै भन्न सकिने अवस्था छैन । यस वीच नयाँ शैक्षिक सत्र शुरु भइसकेको छ । यहाँका नानीबाबुहरुलाई विद्यालयमा भर्ना गरेको पनि धेरै नै भइसक्यो । अब कसरी पठनपाठन हुन्छ भन्ने विषयमा हजुरहरुमा चासो र चिन्ता हुनु स्वभाविकै हो ।

यहि अन्योलतालाई निवारण गर्न र विद्यालयमा नियमित पठनपाठन को कार्य गर्नका लागि हाम्रो विद्यालयले वैकल्पिक सिकाइ पद्धतिलाई अंगिकार  गरेर मिति २०७८ श्रावण ११ गते बाट कक्षाहरु सञ्चालन गरिरहेको छ । हाललाई वैकल्पिक कक्षा सञ्चालनका लागि कक्षा ६ देखि १० सम्ममा विद्यार्थीहरुलाई अनलाइन कक्षाको व्यवस्था मिलाइएको छ  भने कक्षा शिशु देखि पाँच सम्मका नानीबाबुहरुका लागि स्वास्थ्य सावधानी अपनाएर पालो गरेर विद्यालयमा नै सिकाइ केन्द्र स्थापना गरि कक्षा सञ्चालन भइरहेको छ । 

आफ्ना नानीबाबुहरुलाई उक्त कक्षाहरुमा सहभागी गराइ नियमित कक्षा सञ्चालन गरी निरन्तर सिकाइ गर्नका लागि यहाँको साथ र सहयोग अपरिहार्य छ । कक्षा पाँच सम्मका नानीबाबुहरुलाई तोकिएको दिनमा विद्यालयमा पूर्ण स्वास्थ्य साबधानी अपनाएर पठाइ दिन हुन र अन्य कक्षाका नानीबाबुहरुलाई अनलाइन कक्षामा सहभागी हुने वातावरण मिलाइदिन हुन हामी हार्दिक अनुरोध गर्दछौं । 

अनलाइन कक्षाका लागि पहुँचको अवस्था जटिल छ । धेरै नै समस्या छ । हाम्रो गाउँघरमा पूर्वाधार कै अभाव छ । यस्तो अवस्थामा अनलाइन कक्षामा कसरी समावेश हुने भन्ने प्रश्न उब्जिनु अस्वभाविक होइन । तर पनि यो विषम परिस्थितिमा कक्षा सञ्चालन गर्न नसके नानीबाबुहरुको भविश्यलाई नै असर पर्ने भएकाले अनलाइन कक्षा सञ्चालन गर्नु हाम्रो बाध्यता हो । यो बाध्यतालाई आत्मसात गरेर हामी अगाडी बढ्नुको विकल्प छैन । तसर्थ आफ्ना नानीबाबुहरुलाई कक्षामा सहभागी हुने वातावरण निर्माण गरिदिन हुन र कक्षामा सहभागि हुँदा उनीहरुको सिकाइ कृयाकलापको नजिकबाट अवलोकन गरिदिन हुन हार्दिक अनुरोध छ ।

हामीले जुम एपबाट अनलाइन कक्षा सञ्चालन गर्दै आएका छौं । अनलाइन कक्षामा सहभागि हुँदका बखत कुनै किसिमको समस्या देखा परेमा हामीलाई जानकारी गराउन हुन पनि यहाँलाई अनुरोध गर्दै नानी बाबुहरुको पठनपाठनको समय तालिका तथा हामी अध्यापकहरुको जुम आइडि र पासकोड तपशील बमोजिम रहेको जानकारी गराउँदछौं ।